Jou potgooi (Afrikaanse podcast) ruimte

Ons is besig om 'n databasis van Afrikaanse potgooie op te stel. Ons sal baie graag jou potgooi ook wil lys. Jy kan gesels oor net wat jy wil. Vryheid van spraak geld op die site. Moet ook nie gepla wees oor perfekte Afrikaans nie; ons wil net hoor wat sê (alle kleure & geure) mense.

Jy kan solank na die volgende potgooie luister:

	Die Attie & Lené show	Die oorspronklike Afrikaanse potgooi. Attie & Lené lig hulle menings; al is dit dan nou van Londen af.
	Uitsaai Nes	Raymond Greenberg van Kraai Promosies gesels vanuit Bloemfontein.
	Boerseun & Boerdogter	Boerseun & Boerdogter saai uit van Florida in die VSA.
	Cybersakkie	Etienne de Heus gesels uit Johannesburg.
	Cybersakkie in Namibië	Cybersakkie innoveer verder met sy Namibiese potgooi.
	Cybersakkie Law	Cybersakkie gesels oor die reg.
	Charles Joubert	Charles, 'n wetenskaplike, praat ook vannuit Joeys
	Moneyweb se Geldsake	Die Geldsake program op RSG (deur Moneyweb)
	Afrikaans in Sydney	Phil Massyn praat vanuit Sydney, Australia.
	Boeretroos	Jou oggend koffie en beskuit
	Stefan Ludik	Stefan gesels oor sy musiek, sy website en optredes.
	Rudi de Wet	Rudi de Wet gesels vannuit die Oos-Kaap.
	Machiel en Charlene	Machiel en Charlene praat uit Nederland.
	Potjie Uitsending	Potjie Uitsending deur Nakkie en Kie.
	Afrokaans Entertainment Potgooi	Leroux Botha gesels oor Afrokaanse Entertainment.
	Die Moddereiland Potgooi	Johan & Anja de Vries vertel lekker van lewe op die Moddereiland.
	Lappop	Gratis elektroniese klank in Afrikaans.
	Boerpot	Die potgooi reken Afrikaners is plesierig. Waarskuwing: hier word gevloek!
	Daaglikse Brood	Hoor die Woord van God, in 'n daaglikse potgooi, aangebied deur Phil Massyn.
	Bosparra	Bosparra en sy broer se vervolgverhaal. 'n Eerste vir Potgooi!
	Natalie en Eben	Natalie en Eben gesels oor koeitjies en kalfies.
	Woemf Tegnologie	Sit die Afrikaanse Woemf terug tegnologie.
	Gedagtes met Vrye Teuels	'n Potgooi (of Afrikaanse Podcast) wat elke twee weke artikels aangaande Afrikaans en/of Afrikaners publiseer.

Wat de hel is 'n potgooi?

Potgooi is die Afrikaanse naam (uitgedink deur DodgyRabbit op Die Attie & Lené show) vir 'n podcast. Podcasts het in Amerika begin omdat mense siek en sat begin raak het vir radio stasies wat almal dieselfde klink. Dit is 'n nuwerige medium, maar in die VSA en Europa is dit al groot. Die naam kom van "pod" (digitale media speler) en "cast" (soos in broadcast) af.

Van 'n tegniese oogpunt, is dit 'n stel media leërs, gewoonlik MP3s, wat op 'n voorspelbare manier van die Internet afgelaai kan word.

Hoe luister ek na 'n potgooi?

Die idieë is dat jy elke week 'n nuwe episode aflaai; dit dan op jou eie rekenaar stoor en dan daarna luister wanneer dit jou pas. Jy kan natuurlik ook daarna luister sodra jy dit afgelaai het. Jy kry ook gratis sagteware (iTunes, iPodder ens.) wat die aflaai proses self vir jou hanteer. Die voorspelbaarheid maak dat die sagteware self weet as daar 'n nuwe 'episode' is. Die "automatiese aflaai" manier is hoe meeste mense na potgooie luister. Jy kan self kies hoe jy na 'n potgooi wil luister. Meeste mense gebruik maar Windows Media Player of iTunes of selfs 'n iPod. Let wel: jy het net 'n browser (soos Internet Explorer) en 'n media player (soos Windows Media Player) nodig. Die ekstra sagteware is maar net om die aflaai proses te automatiseer.

Hoe maak ek my eie potgooi?

Om 'n potgooi te maak is baie sports en dis makliker as wat jy dink. Al wat jy nodig het om jou eie potgooi te maak is :-

• 'n rekenaar met 'n standaard mikrofoon - jy kan iets duurders ook aanskaf. Ons gebruik 'n Logitech mikrofoon wat £19.99 (R200,00) gekos het.
• sagteware om jou mp3 op te neem - jy kan Audacity heeltemal verniet aflaai. Dit is al wat ons gebruik.
• ruimte op 'n webserver - dit is moontlik die een ding wat kan geld kos. Gelukkig is daar mense soos Boerseun. Boerseun, self 'n potgooier, is besig om 'n site te skêp waar jy wel jou potgooi kan stoor. Gaan loer gerus hier om te kyk of hy al gereed is.
• en 'n feed - dit kan jy weereens verniet skep by feedburner.
• nie te veel inhibisies nie - anders gaan jou potgooi vervelig wees!

Kyk gerus ook na hierdie puik stap-vir-stap gids oor hoe om 'n potgooi te maak. As jy nog hulp soek om jou potgooi te maak, stuur gerus vir my 'n email by info@potgooi.net.